今日係2006年最後一日，先向各位朋友講句：「新年進步」

回顧一年，真係好好好好忙，由呢個日記就知，其實最近都好多事發生，例如：4日之內睇兩次醫生﹙我咁孤寒都睇，可想而知我病得幾嚴重﹚；終於都過左一個可以真正休息既x'mas﹙可惜得兩日一夜﹚；經歷地震﹙真係震得好犀利﹚；連續幾晚發高燒﹙差dd令到自己shot shot地﹚；迪迪差0的唔見左﹙因為佢唔出聲匿埋左﹚......多到自己都唔記得。

不過，今年的確係變動多既一年，轉新工、返學......我都唔知而家行緊呢條路係唔係最好，只係有人同我講我錯過左一條較平坦既路，但係就選擇左一條令自己開心既路。坦白講，我的確係選擇左一條辛苦既路，但係我真係開心，因為即使向唔順意既時候，會感覺到有無比既支持同鼓勵，而且我會適應改變，仲嘗試改變。總之一句，辛苦命!

展望新一年，我希望身邊既人個個身體健康，生活愉快，自己可以讀完master，同迪迪一齊住......

由上一篇到現在，其實有好多0野想講，好多0野想發表。我唔係一個習慣寫日記既人，因為我冇恒心，而且有時冇特別事發生，拖下拖下就唔會寫。雖然我開左呢個xanga唔係好耐，只有一年多，而且唔係成日update，但係已經算係最有恒心既一次.....

做左決定到而家，一直都有變化，一直都有考慮、再考慮，我成日都問自己：「有冇做錯？有冇選擇錯？」初初我自己都唔肯定，因為我自己都已經冇信心，仲覺得自己係好唔0岩，好想好想逃避，即使唔開心、想喊都唔敢，仲好憎我自己，我有諗過如果可以消失一陣、一段時間會好DD，攪到自己好似思覺失調.....但當隨住越來越多人問同一個問題、個個都覺得我係錯既時候，反而我就越堅定。唔係因為我自己「硬頸」，而係呢件事並唔係呢幾個月先至諗，我既「老死」一定會知道我已經諗左好耐、好多，所以呢個決定並唔係一時衝動，我只係覺得我冇心思熟慮到涉及既範圍有幾多、有幾深......我知道「傷害」既感覺，但係勉強又係唔係一件好事？可能都係timing問題。不過，要絕對絕對絕對強調一點，由始至終，我都係認真，真心去付出，努力去維繫，但係，有冇人知道努力同堅持既背後唔開心左幾多次、嬲過幾多次？而且，而家確實唔係一個好既timing，我都明白現況同後果，所以而家所承受既，就正正係「報應」。

剛剛仲要俾人閙多一次，又係閙我做錯......唉......係唔係要而家即刻話：「CUT！再黎過」？如果係，又係冇得選擇，又係對我唔公平......全部人都開心，得自己一個最唔開心，係唔係就係做得最好？做得最0岩？如果係，我都諗唔到自己生存既目的......可能就係只係為左「我為人人」......或係講大話、0厄人......

而家受傷害仲有迪迪......我真係好憎好憎好憎好憎我自己......

要好好學習!!

最終都係同賓尼去左艾力斯既PO，好好呀，又再見到佢屋企人，哈哈，佢地竟然認得我，而且見到「重要人物」.......影下相，見識下，都好唔錯。好在我有準備禮物送俾艾力斯，雖然唔係好貴重，但心意係無價既。之後大家仲一齊去食dinner，本來諗住一盡「地主之誼」，點知個艾力斯同我鬥俾錢，最後佢俾，真係唔好意思。

不過，我記得同賓尼既約定......

媽媽雖然支持我，但一直叫我唔好「迷」。其實經過佢一番開解、輔導，我已經冇之前咁執著，但係唔代表要give up，只係唔好成日咁意......反而，情況好似好左好多，真係要多謝媽媽。

點唱時間：

東京　紐約　每個地點
帶你去坐幸福的地下鐵
散步　逛街　找電影院
累了我就幫你提高跟鞋

塞車　停電　哪怕下雪
每天都要和你過情人節
星光　音樂　一杯熱咖啡
只想給你所有浪漫情節　讓我

做你的男人　二十四個小時不睡覺
小心翼翼的保持這種熱情不退燒
不管世界多紛擾　我們倆緊緊的擁抱
隱隱約約我感覺有微笑　藏在你嘴角

做你的男人　二十四個小時不睡覺
讓膽小的你在黑夜中也會有個依靠
就算有一天　愛會變少　人會變老
就算沒告訴過你也知道
下輩子還要和你遇到

無驚無險，又過左一個星期lu，哈哈，呢個星期過得好開心，因為除左唔駛上星期二0個堂之外，仲有好多開心事：

1. office有成半人出trip，星期五所有部門主管都不在，可以超超超準時收工；
2. 星期一去接番迪迪返屋企，佢竟然認得我，一見到我就好開心，又乖乖；
3. 星期三先約「媽媽」食dinner，除在傾左好多我既事，仲俾我知道佢一個秘密；
4. 之後竟然見到我個好「老死」小狗，哈哈；
5. 同開艾力斯傾電話，終於知道原來我地識埋同一個人；
6. 過左一個好relax、好開心、好驚險、好「冷知識」既weekend。

不過，始終都係有D唔開心既事：

1. 終於確認某君同某君真係「無良印品」；
2. 媽媽同小狗對同一件事有同一體發，唔通我真係要放棄？
3. 俾同學仔話我勁鍾意上堂覺覺豬同埋睇鍾意$$；
4. 成日俾人問一個問題，真係問到我覺得嬲嬲地。

都係呢句，平時話我太理性，今次又話我太感性，真係唔知點好......我都係想認認真真咁忠於自己既決定，真係好唔想放棄，因為我絕對知道自己今次係經過理性分析，只係唔理性咁行動，如果我真係咁理性，就唔會發展成咁喇?!希望朋友們能明白同support我，亦都希望我今次既堅持係對的。

迪迪日誌：四四終於得閒搵我，乖乖。

點唱時間：

可不可與你放膽嬉戲
忘掉日與夜那些限期
不管身邊幾多無聊道理

手拖手與你演齣好戲
遊行直到夜晚多淒美
爭取這一次走幾千百里

沿途留心　掌心的知覺也著緊
我認我認我愛得太過份
人群漸近　想改寫你我命運
任天塌下亦前行　哪怕你說我天真

憑我徹底的勇氣　愛是最大權利
不理場面不偉大　我共你始終同遊生死
還有哪一種結尾　花光一切在乎你
沒有想過太多　    我只需要你

路到盡頭也置之不理
寧願為愛著你不捨棄
爭取多一次我身邊有你

沿途祈禱　始終一天我會望到
你是你是我的所有態度
無從預告　多曲折每段路
路中幾多的勸告　我怕我會聽不到

憑我徹底的勇氣　愛是最大權利
不理場面不偉大　我共你始終同遊生死
還有哪一種結尾　花光一切別嫌棄
若已想過太多　    我只知愛你